2024/2025 கல்வியாண்டிற்கான பல்கலைக்கழக அனுமதி கையேட்டைப் பெற்றுக்கொள்ளும் முறை

2024/2025 கல்வியாண்டிற்கான பல்கலைக்கழக அனுமதி கையேட்டை, ஒவ்வொரு கையேட்டிற்கும் ரூ. 1000/= பணமாகச் செலுத்துவதன் மூலம் பின்வரும் முறைகளில் பெற்றுக்கொள்ள முடியும்:

1. நேரில் பெறுதல்:
   • பல்கலைக்கழக மானியங்கள் ஆணைக்குழு செயலகம், இல. 20, வோர்ட் பிளேஸ், கொழும்பு 07.
   • பல்கலைக்கழக அனுமதி கையேடுகளை விற்பனை செய்வதற்காக பல்கலைக்கழக மானியங்கள் ஆணைக்குழுவினால் நியமிக்கப்பட்ட விநியோக முகவர்களிடமிருந்து.
2. தபால் மூலம் பெறுதல்:

   பல்கலைக்கழக அனுமதி கையேடுகளை தபால் மூலம் பெற்றுக்கொள்ளும்போது, விண்ணப்பதாரர்கள் ஒவ்வொரு கையேட்டிற்கும் ரூ. 1000/= வீதம், இலங்கை வங்கியின் அல்லது மக்கள் வங்கியின் ஏதேனும் ஒரு கிளையில், பின்வரும் கணக்குகளில் ஒன்றில் வரவு வைக்க வேண்டும்:

   • இலங்கை வங்கியின் ரொறிங்டன் கிளையிலுள்ள UGC சேகரிப்புக் கணக்கு இல: 0002323287
   • மக்கள் வங்கியின் நகர மண்டபக் கிளையிலுள்ள சேகரிப்புக் கணக்கு இல: 167-1-001-4-3169407

   வங்கியினால் வழங்கப்படும் பணம் செலுத்தும் பற்றுச்சீட்டைப் பூர்த்தி செய்து வைப்பிலிட வேண்டும். வங்கியினால் உரிய முறையில் முத்திரை மற்றும் அங்கீகரிக்கப்பட்ட அதிகாரியின் கையொப்பத்துடன் உறுதிப்படுத்தப்பட்ட பணம் செலுத்தும் பற்றுச்சீட்டின் எதிர் பற்றுச்சீட்டை (counterfoil), பல்கலைக்கழக அனுமதி கையேடுகளுக்கான எழுத்து மூலமான கோரிக்கையுடன் சேர்த்து அனுப்ப வேண்டும்.

   கையேடுகளுக்கான ஒவ்வொரு எழுத்து மூலமான கோரிக்கையும், விண்ணப்பதாரரின் பெயரையும், அனுமதி நடைமுறை தொடர்பான கையேட்டை விண்ணப்பதாரர் பெற்றுக்கொள்ள விரும்பும் மொழியையும் (medium) குறிப்பிட்டு, பின்வரும் முகவரிக்கு தபால் மூலம் அனுப்பப்பட வேண்டும்:

   பிரதிச் செயலாளர்/பல்கலைக்கழக அனுமதிகள்,
   பல்கலைக்கழக மானியங்கள் ஆணைக்குழு,
   இல. 20, வோர்ட் பிளேஸ்,
   கொழும்பு 07

   அத்துடன், எழுத்து மூலமான கோரிக்கையுடன், 37cm x 26cm இற்குக் குறையாத அளவிலான, சுயவிலாசமிடப்பட்ட, முத்திரையிடப்படாத கடித உறையொன்றும் அனுப்பப்பட வேண்டும்.