University of Geneva MEIG Scholarship 2027 | Full Funding (CHF 45,000)

Apply for the University of Geneva MEIG Scholarship 2027 in Switzerland. Full grant up to CHF 45,000 covering tuition & living costs. Download notice & forms.

விண்ணப்பம் மற்றும் OFFICIAL நோட்டீஸ் இறுதியில் கொடுக்கப்பட்டு உள்ளது சுவிட்சர்லாந்தின் புகழ்பெற்ற ஜெனீவா பல்கலைக்கழகம் (University of Geneva), ஐக்கிய நாடுகள் சபையின் ஜெனீவா அலுவலகத்துடன் (UNOG) இணைந்து நடத்தும் MEIG (Master of Advanced Studies in European and International Governance) முதுமாணிப் பட்டப்படிப்பிற்கான புலமைப்பரிசில் திட்டத்தினை (Scholarship 2027–2028) அறிவித்துள்ளது. இதற்கான விசேட அறிவித்தலை இலங்கை கல்வி, உயர்கல்வி மற்றும் தொழிற்கல்வி அமைச்சின் உயர்கல்விப் பிரிவு உத்தியோகபூர்வமாக வெளியிட்டுள்ளது.

இத்திட்டத்தின் கீழ் தகுதியான மற்றும் நிதி உதவி தேவைப்படும் மாணவர்களுக்கு முழுமையான கல்விக்கட்டணம் மற்றும் வாழ்க்கைச் செலவுகளுக்கான புலமைப்பரிசில்கள் (CHF 45,000 வரை) வழங்கப்படவுள்ளன.

புலமைப்பரிசில் சலுகைகள் (Scholarship Benefits)

தகுதியான மற்றும் நிதி உதவி தேவைப்படும் விண்ணப்பதாரர்களுக்கு இரு வகையான புலமைப்பரிசில்கள் வழங்கப்படுகின்றன:

• முழு புலமைப்பரிசில் (Full Scholarship): அதிகபட்சமாக CHF 45,000 (சுவிஸ் பிராங்க்) வரை வழங்கப்படும். இதில் முழுமையான கல்விக்கட்டணம் (CHF 25,000) மற்றும் ஜெனீவாவில் தங்குமிடம், உணவு உள்ளிட்ட வாழ்க்கைச் செலவுகளுக்கான நிதி உதவி உள்ளடக்கப்படும்.
• பகுதியளவு புலமைப்பரிசில் (Partial Scholarship): வாழ்க்கைச் செலவுகளுக்காக மாத்திரம் CHF 20,000 வரை உதவித்தொகை வழங்கப்படும்.

பாடநெறியின் முக்கிய சிறப்பம்சங்கள் (Programme Highlights)

• கால அளவு: 10 மாதங்கள் (7 மாத விரிவுரைகள் + 3 மாத இறுதி ஆய்வுத் திட்டம் / Internship / Thesis).
• சர்வதேச கிரெடிட்கள்: 65 ECTS credits.
• களப்பயணம்: பெல்ஜியத்தின் பிரஸ்ஸல்ஸ் நகருக்கு 3 நாட்கள் கல்விச் சுற்றுலா மற்றும் ஜெனீவாவில் உள்ள சர்வதேச நிறுவனங்களில் 20 நேரடி செயலமர்வுகள்.
• பாடத் தொகுதிகள்: ஐரோப்பிய ஒன்றியம், ஐக்கிய நாடுகள் சபையின் ஆளுகை, மனித உரிமைகள், சர்வதேச அமைதி மற்றும் பாதுகாப்பு, டிஜிட்டல் ஆளுகை, சர்வதேச வர்த்தகம், காலநிலை மாற்றம் மற்றும் SDG 2030 குறிக்கோள்கள் உட்பட 11 நவீன தொகுதிகள்.

விண்ணப்பிப்பதற்கான தகைமைகள் (Eligibility Criteria)

• அங்கீகரிக்கப்பட்ட பல்கலைக்கழகம் ஒன்றில் ஏதேனும் ஒரு துறையில் பெற்ற இளமாணிப் பட்டம் (Bachelor’s Degree minimum) கட்டாயமாகும்.
• அமைச்சுகள், சர்வதேச அமைப்புகள் (UN, EU), அரச சார்பற்ற நிறுவனங்கள் (NGOs) அல்லது தனியார் துறைகளில் பணியாற்றும் ஆரம்ப மற்றும் நடுத்தர நிலை உத்தியோகத்தர்கள் விரும்பினால் விண்ணப்பிக்கலாம்.
• ஆங்கில மொழித் தேர்ச்சி: TOEFL, IELTS அல்லது கேம்பிரிட்ஜ் (Cambridge) ஆங்கில மொழிச் சான்றிதழ்கள் அவசியம்.
• நிதி உதவி கோருவோர் குடும்பத்தின் உண்மையான நிதிப் பற்றாக்குறையை உத்தியோகபூர்வ ஆவணங்கள் மூலம் வெளிப்படுத்த வேண்டும்.

தேவையான ஆவணங்கள் (Required Documents)

1. பூர்த்தி செய்யப்பட்ட MEIG Application Form மற்றும் Scholarship Application Form.
2. புகைப்படத்துடன் கூடிய தற்போதைய சுயவிபரக் கோவை (Updated CV).
3. இளமாணிப் பட்டச் சான்றிதழ் மற்றும் கல்விப் பதிவேடுகள் (Degree Certificate & Transcripts).
4. தொழில் அனுபவச் சான்றிதழ்கள் (இருப்பின்).
5. நோக்கக் கடிதம் (Motivation Letter – அதிகபட்சம் 500 சொற்கள்).
6. புலமைப்பரிசிலுக்கான நோக்கக் கடிதம் (Scholarship Motivation Letter – அதிகபட்சம் 500 சொற்கள்).
7. ஆங்கிலத் தேர்ச்சிச் சான்றிதழ் (IELTS / TOEFL).
8. செல்லுபடியாகும் பாஸ்போர்ட் (Passport) அல்லது தேசிய அடையாள அட்டை (NIC).
9. வருமான ஆவணங்கள் (கட்டாயம்): வங்கி கணக்கு விபரம் (Bank Statements), சம்பள விபரம் (Salary slip / contract) மற்றும் வரி ஆவணங்கள் (Tax forms).

(குறிப்பு: ஆங்கிலம் அல்லாத ஏனைய மொழிகளில் உள்ள ஆவணங்கள் ஆங்கிலத்தில் உத்தியோகபூர்வமாக மொழிபெயர்க்கப்பட்டு இணைக்கப்பட வேண்டும்).

விண்ணப்பிக்கும் விரிவான வழிமுறைகள் (How to Apply)

விண்ணப்பதாரர்கள் பின்வரும் இரண்டு முறைகளில் ஏதேனும் ஒரு முறையைப் பயன்படுத்தி விண்ணப்பிக்க முடியும்:

முறை 01: மின்னஞ்சல் (Email) வழியாக விண்ணப்பித்தல்

• விண்ணப்பப் படிவம் மற்றும் புலமைப்பரிசில் படிவத்தைப் பதிவிறக்கம் செய்து முழுமையாகப் பூர்த்தி செய்யவும்.
• பூர்த்தி செய்யப்பட்ட படிவங்கள் மற்றும் தேவையான அனைத்து சான்றிதழ்களையும் தெளிவாக ஸ்கேன் செய்து PDF வடிவில் தயார் செய்யவும்.
• தயாரிக்கப்பட்ட அனைத்து ஆவணங்களையும் meig@unige.ch என்ற அதிகாரப்பூர்வ மின்னஞ்சல் முகவரிக்கு அனுப்பி வைக்க வேண்டும்.

முறை 02: நேரடித் தபால் (Postal Mail) வழியாக விண்ணப்பித்தல்

• விண்ணப்பப் படிவங்களை அச்சுப் பிரதியாகப் (Print) பூர்த்தி செய்து, சான்றிதழ்களின் நகல்களுடன் இணைக்கவும்.
• ஆவணங்களை ஸ்டேப்லர் (Stapler) அல்லது பைண்டிங் (Binding) செய்யாமல் சாதாரண தாள்களாக ஒரு உறையில் (Envelope) இட வேண்டும்.
• பின்வரும் சுவிட்சர்லாந்து முகவரிக்கு தபால் மூலம் அனுப்பி வைக்கவும்: