“Sri Lanka Teachers’ Service Gazette Amendment: 4 strict rules announced for B.Ed graduates (120 credits, onsite & practicals). Read full details here.”
இலங்கை ஆசிரியர் சேவைப் பிரமாணக் குறிப்பில் (Sri Lanka Teachers’ Service Minute – SLTS) “கல்விமானி பட்டதாரி” (Bachelor of Education – B.Ed Graduate) என்பதற்கான வரைவிலக்கணத்தில் மிக முக்கியமான திருத்தங்கள் மேற்கொள்ளப்பட்டு அதிவிசேட வர்த்தமானிப் பத்திரிகை மூலம் உத்தியோகபூர்வமாக அறிவிக்கப்பட்டுள்ளது.
இனிவரும் காலங்களில் இலங்கை ஆசிரியர் சேவையின் வகுப்பு 2 தரம் II (Class 2 – Grade II) நேரடி ஆட்சேர்ப்பு, வினைத்திறன்காண் தடைத்தாண்டல் (EB Exam) சலுகைகள் மற்றும் பதவி உயர்வுகளுக்கு இப்புதிய 4 நிபந்தனைகளைப் பூர்த்தி செய்த பட்டதாரிகள் மட்டுமே தகுதி பெறுவர்.
📌 சுருக்கமான முக்கிய தகவல்கள்
- 📜 ஆவணம்: இலங்கை அதிவிசேட வர்த்தமானிப் பத்திரிகை
- 🔢 திருத்த இலக்கங்கள்: 2444/21 (2025.07.08) & 2493/61 (2026.06.19)
- 📑 பிரிவு: பகுதி II, சரத்து 13.8 (EOG 09-0378)
- 🎓 பட்டம்: கல்விமானிப் பட்டம் (B.Ed – Bachelor of Education)
- ⚠️ முக்கிய மாற்றம்: நேரடி Onsite கற்கை, 120 Credits, 10 வார பாடசாலைப் பயிற்சி மற்றும் 6 Credits ஆய்வுக் கட்டுரை கட்டாயம்!
உத்தியோகபூர்வ வர்த்தமானி அறிவித்தலின் நகல் (Gazette Notice Section 13.8)
“கல்விமானி பட்டதாரி” என அங்கீகரிக்கப்பட வேண்டிய 4 கட்டாய நிபந்தனைகள்
பல்கலைக்கழகச் சட்டத்தின் கீழ் அல்லது விசேட பாராளுமன்றச் சட்டங்கள் மூலம் நிறுவப்பட்ட பட்டம் வழங்கும் நிறுவனங்கள்/பல்கலைக்கழகங்கள் மூலம் பெற்றுக்கொள்ளப்படும் கல்விமானிப் பட்டமானது பின்வரும் 4 விதிகளையும் பூர்த்தி செய்திருக்க வேண்டும்:
- 04 வருட முழுநேர நேரடி (Onsite) பட்டப்படிப்பு: கற்கை நெறியானது நேரடி விரிவுரைகளைக் கொண்டதாக இருக்க வேண்டும். நிகழ்நிலை (Online) மூலமாகவோ அல்லது தொலைதூரக் கல்வி வழியாகவோ பெறப்பட்ட பட்டங்கள் செல்லுபடியாகாது.
- குறைந்தபட்சம் 120 கிரெடிட்டுகள் (120 Credits): குறித்த B.Ed பட்டப் பாடநெறியில் ஆகக்குறைந்தது 120 Credits பூர்த்தி செய்யப்பட்டிருக்க வேண்டும்.
- 10 வார பாடசாலை செய்முறை கற்பித்தல் பயிற்சி (Teaching Practicum): அரச தேசிய பாடசாலை, மாகாண பாடசாலை அல்லது அரச அங்கீகாரம் பெற்ற தனியார் பாடசாலையொன்றில் குறைந்தது 10 வார கால செய்முறை கற்பித்தல் பயிற்சியை நிறைவு செய்திருப்பதுடன், அது தகுதியுள்ள மேற்பார்வைக் குழுவினால் கண்காணிக்கப்பட்டிருக்க வேண்டும்.
- 06 கிரெடிட்டுகளைக் கொண்ட ஆய்வுக் கட்டுரை (Research/Dissertation): பட்டப் படிப்பில் குறைந்தபட்சம் 06 Credits உள்ளடக்கிய முறையான ஆய்வுக் கட்டுரை அல்லது ஆய்வு அறிக்கை சமர்ப்பிக்கப்பட்டு சித்தியடைந்திருக்க வேண்டும்.
ஆசிரியர்களுக்கும் பட்டதாரிகளுக்கும் இதன் முக்கியத்துவம் என்ன?
1. நேரடி 2-II தகுதி (Direct Class 2 – Grade II Entry)
இலங்கை ஆசிரியர் சேவையில் சாதாரண பட்டதாரிகள் (BA, BSc, BCom) 3-I தரத்திற்கு உள்வாங்கப்படும் போது, கல்விமானிப் பட்டதாரிகள் (B.Ed) நேரடியாக 2-II தரத்திற்கு உள்வாங்கப்படுவர். இனிமேல் இந்த 4 விதிகளையும் கொண்ட B.Ed பட்டதாரிகளுக்கே இந்த நேரடி நியமன முன்னுரிமை வழங்கப்படும்.
2. ஆன்லைன் & வெளிவாரிப் பட்டங்களுக்கான தடை
1 அல்லது 2 வருடங்களில் ஆன்லைன் மூலமாகவோ, போதிய செய்முறைப் பயிற்சி இல்லாமலோ தனியார்/வெளிநாட்டு நிறுவனங்களில் பெறப்படும் B.Ed பட்டங்கள் ஆசிரியர் சேவையில் விசேட சலுகைகளுக்காக ஏற்றுக்கொள்ளப்பட மாட்டாது.
3. PGDE டிப்ளோமா தேவையில்லை
மேற்கூறிய 4 நிபந்தனைகளையும் பூர்த்தி செய்த முறையான B.Ed பட்டதாரிகள் மேலதிகமாக கல்வியியல் முதுகலை டிப்ளோமா (Postgraduate Diploma in Education – PGDE) கற்க வேண்டிய அவசியமில்லை.
📢 கல்வி & ஆசிரியர் சேவை தொடர்பான உடனடி அறிவித்தல்கள்!
அரச வர்த்தமானிகள், சுற்றறிக்கைகள் மற்றும் ஆசிரியர் சேவை தொடர்பான முக்கிய செய்திகளை உடனுக்குடன் உங்களது WhatsApp-இல் பெற்றுக்கொள்ள எமது சமூகத்தில் இணையுங்கள்:
👉 CEYLON VACANCY குழுவில் இல்லாதாவர்கள் மட்டும் இணையவும் WhatsApp குழுவில் இணைய இங்கே கிளிக் செய்யவும்