Western province MSO Open Exam 2026 Application
மேல் மாகாண சபை முகாமைத்துவ சேவை உத்தியோகத்தர் (தரம் III) ஆட்சேர்ப்புப் பரீட்சை 2026 – 336 வெற்றிடங்கள் | கடைசித் திகதி: 15.11.2026
இலங்கை மேல் மாகாண சபை (Western Provincial Council) அரச சேவை ஆணைக்குழுவின் கீழ் இயங்கும் திணைக்களங்கள் மற்றும் நிறுவனங்களில் நிலவும் முகாமைத்துவ சேவை உத்தியோகத்தர் சேவை தரம் III (Management Service Officers’ Service – Grade III) இற்கான 336 வெற்றிடங்களை நிரப்புவதற்கு தகுதியானவர்களிடமிருந்து திறந்த போட்டிப் பரீட்சைக்கான விண்ணப்பங்கள் கோரப்பட்டுள்ளன.
இப்பரீட்சைக்கான விண்ணப்பங்கள் இலங்கை பரீட்சைத் திணைக்களத்தின் உத்தியோகபூர்வ இணையத்தளம் (www.doenets.lk) ஊடாக முழுக்க முழுக்க ஆன்லைன் (Online) முறையில் மட்டுமே ஏற்றுக்கொள்ளப்படும்.
📌 விரைவுச் சுருக்கம் (Quick Overview)
| நிறுவனம் / சபை | மேல் மாகாண சபை அரச சேவை ஆணைக்குழு |
| பதவியின் பெயர் | முகாமைத்துவ சேவை உத்தியோகத்தர் – தரம் III (MN-02) |
| மொத்த வெற்றிடங்கள் | 336 |
| வயதெல்லை | 18 – 30 வயதுக்குள் (1996.11.15 – 2008.11.15) |
| ஆரம்ப மாதாந்த சம்பளம் | ரூபா 48,470/- (படிமுறைகளுடன் ரூபா 82,800/- வரை) |
| விண்ணப்பிக்கும் முறை | ஆன்லைன் (Online via www.doenets.lk) |
| பரீட்சைக் கட்டணம் | ரூபா 600/- |
| விண்ணப்பிக்க இறுதித் திகதி | 2026 நவம்பர் 15 (இரவு 09.00 மணி வரை) |
1. பதவி மற்றும் சேவை நிபந்தனைகள்
- இப்பதவி நிரந்தரமானது மற்றும் ஓய்வூதிய உரிமை உடையது. விதவைகள் மற்றும் அனாதைகள் ஓய்வூதியத் திட்டத்திற்கு (W&OP) பங்களிப்புச் செய்தல் வேண்டும்.
- நியமனம் 03 வருட தகுதிகாண் காலத்திற்கு (Probationary Period) உட்பட்டது. இக்காலப்பகுதிக்குள் சேவைப் பிரமாணக் குறிப்பில் குறிப்பிடப்பட்டுள்ள முதலாவது வினைத்திறன்காண் தடைத்தாண்டல் (EB 1) பரீட்சையில் சித்தியடைதல் வேண்டும்.
- முதல் நியமனம் வழங்கப்படும் சேவை நிலையத்தில் குறைந்தபட்சம் 03 வருடங்கள் கட்டாயமாகச் சேவை புரிதல் வேண்டும்.
- அரச நிர்வாக சுற்றறிக்கை 18/2020 இற்கு அமைய, நியமனம் பெற்று 03 வருடங்களுக்குள் மற்றைய அரச கரும மொழித் தேர்ச்சியைப் பெற வேண்டும்.
- விசேட குறிப்பு: இப்பரீட்சையானது ஒருங்கிணைந்த அரச சேவையின் (Combined Services) முகாமைத்துவ சேவை உத்தியோகத்தர் தரம் III ஆட்சேர்ப்புப் பரீட்சையுடன் ஒரே பரீட்சையாக நடாத்தப்படும். இரண்டு சேவைகளுக்கும் தகுதிபெறும் விண்ணப்பதாரிகளுக்குத் தமது விருப்பப்படி ஒரு சேவையைத் தெரிவுசெய்ய வாய்ப்பளிக்கப்படும்.
2. சம்பள விபரம்
அரச நிர்வாக சுற்றறிக்கை இலக்கம் 10/2025 (நாள்: 2025.03.25) இன் படி, இப்பதவிக்கு MN 02-2025 சம்பளக் குறியீடு உரித்தாவதுடன், மாதாந்த சம்பள அளவுத்திட்டம் பின்வருமாறு அமையும்:
ரூபா 48,470 – 10×540 – 11×630 – 10×1,010 – 10×1,190 – ரூபா 82,800/-
*இச்சம்பளத் திட்டம் 2027.01.01 முதல் முழுமையாக நடைமுறைக்கு வரும் வரை சுற்றறிக்கையின் உபலேகனம் III இற்கமைய சம்பளம் வழங்கப்படும்.
3. தகைமைகள் (Eligibility Criteria)
அ) பொதுத் தகைமைகள்:
- இலங்கைப் பிரஜையாக இருத்தல் வேண்டும்.
- விண்ணப்பதாரர் நன்னடத்தை உடையவராகவும், மேல் மாகாணத்தின் எப்பகுதியிலும் கடமையாற்றக் கூடிய உடலளவிலும் மனதளவிலும் ஆரோக்கியம் கொண்டவராகவும் இருத்தல் வேண்டும்.
ஆ) வயதெல்லை:
- விண்ணப்ப முடிவுத் திகதியான 2026 நவம்பர் 15 அன்று 18 வயதுக்கு குறையாமலும் 30 வயதுக்கு மேற்படாமலும் இருத்தல் வேண்டும்.
- அதாவது, 1996.11.15 தொடக்கம் 2008.11.15 வரையான காலப்பகுதிக்குள் பிறந்தவர்கள் மட்டுமே விண்ணப்பிக்கத் தகுதியுடையவர்கள்.
இ) வதிவிட / மாவட்டத் தகைமை (மேல் மாகாணம்):
விண்ணப்பதாரர் மேல் மாகாணத்தில் உள்ள கொழும்பு, கம்பஹா, களுத்துறை ஆகிய மாவட்டங்களில் ஒன்றைப் பூர்த்தி செய்ய பின்வரும் தகைமைகளில் ஏதேனும் ஒன்றைக் கொண்டிருக்க வேண்டும்:
- விண்ணப்பதாரர் குறித்த மாவட்டத்தில் பிறந்தவராக இருத்தல் வேண்டும்; அல்லது
- விண்ணப்ப முடிவுத் திகதிக்கு முந்திய 05 வருட காலப்பகுதிக்குள் குறித்த மாவட்டத்தில் குறைந்தபட்சம் தொடர்ச்சியாக 03 வருடங்கள் நிரந்தரமாக வசித்தவராக இருத்தல் வேண்டும் (வாக்காளர் பெயர் பட்டியல் மூலம் உறுதிப்படுத்தப்பட வேண்டும்); அல்லது
- குறித்த மாவட்டத்தில் அமைந்துள்ள பாடசாலையொன்றில் தொடர்ச்சியாக 05 வருடங்கள் இடைநிலைக் கல்வியை (Secondary Education) பயின்றவராக இருத்தல் வேண்டும்.
(குறிப்பு: விண்ணப்பதாரரின் தந்தை அல்லது தாய் அரச / மாகாண அரச சேவையில் இடமாற்றத்திற்குரிய பதவியில் இருந்திருப்பின், பெற்றோரின் பிறந்த இடத்தை மாவட்டமாகத் தெரிவுசெய்ய முடியும்).
ஈ) கல்வித் தகைமைகள்:
- க.பொ.த. சாதாரண தரப் பரீட்சை (G.C.E. O/L): ஒரே அமர்வில் சிங்களம்/தமிழ்/ஆங்கிலம் ஆகிய மொழிகளில் ஒன்றிலும் கணிதத்திலும் பெற்ற திறமைச் சித்தி (Credit Pass) உட்பட 04 திறமைச் சித்திகளுடன் 06 பாடங்களில் சித்தியடைந்திருத்தல் வேண்டும்.
(விண்ணப்பதாரர் பரீட்சை எழுதும் மொழி மூலப் பாடத்தில் சாதாரண தரத்தில் திறமைச் சித்தி பெற்றிருப்பது கட்டாயமாகும்). - க.பொ.த. உயர் தரப் பரீட்சை (G.C.E. A/L): ஒரே அமர்வில் அனைத்துப் பாடங்களிலும் (பொதுப் பொதுப்பரீட்சை மற்றும் பொது ஆங்கிலம் தவிர்ந்த / பழைய பாடத்திட்டமாயின் 03 பாடங்களில்) சித்தியடைந்திருத்தல் வேண்டும்.
4. பரீட்சை முறைமை மற்றும் பாடத்திட்டம்
இப்பரீட்சை தமிழ், சிங்களம் மற்றும் ஆங்கில மொழி மூலங்களில் நடாத்தப்படும். இரண்டு வினாத்தாள்களும் கட்டாயமானவை:
| பாட இல. | வினாத்தாள் விபரம் | நேரம் | புள்ளிகள் |
|---|---|---|---|
| 01 |
மொழி ஆற்றல் (Language Proficiency) கருத்து வெளிப்பாடு, விளங்கிக்கொள்ளல், எழுத்துக்கூட்டல், கடிதம் வரைதல், தரவு அட்டவணைப்படுத்தல், சுருக்கெழுத்து, இலக்கணம் போன்றவை அடங்கும். |
2 ½ மணித்தியாலங்கள் | 100 |
| 02 |
நுண்ணறிவு / உளச்சார்பு (Aptitude) எண்ணியல் ஆற்றல், தர்க்க அறிவு, பொது அறிவு வினாக்கள் (50 பல்தேர்வு மற்றும் குறுகிய வினாக்கள்). |
1 மணித்தியாலம் | 100 |
தேர்ச்சி எல்லை: ஒவ்வொரு பாடத்திலும் குறைந்தபட்சம் 40% புள்ளிகளையும், மொத்தமாக குறைந்தபட்சம் 50% புள்ளிகளையும் பெறுவது நியமனத் தகுதியைப் பெற கட்டாயமாகும். மாவட்ட சனத்தொகை விகிதாசார அடிப்படையில் திறமை வரிசைப்படி நியமனங்கள் வழங்கப்படும்.
(குறிப்பு: மாற்றுத்திறனாளிகளுக்காக 3% வெற்றிடங்கள் ஒதுக்கப்பட்டுள்ளன).
5. பரீட்சை நிலையங்கள் (Exam Towns)
விண்ணப்பதாரர்கள் பின்வரும் நகரங்களில் தமக்கு வசதியான நகரத்தைத் தெரிவு செய்ய வேண்டும்:
- கொழும்பு மாவட்டம் (01): கொட்டாஞ்சேனை (01), மருதானை (02), பொரளை (03), கறுவாத்தோட்டம் (04), பம்பலப்பிட்டி (05), ஹெவ்லொக் டவுன் (06), நுகேகொட (07), மொறட்டுவ (08), பிலியந்தல (09), ஹோமாகம (10), மகரகம (11), ஹங்வெல்ல (12), அவிசாவளை (13).
- கம்பஹா மாவட்டம் (02): நீர்கொழும்பு (14), மினுவாங்கொட (15), திவுலப்பிட்டிய (16), வேயங்கொட (17), கம்பஹா (18), ஜா-எல (19), வத்தளை (20), களனி (21), தொம்பே (22).
- களுத்துறை மாவட்டம் (03): ஹொரண (23), பாணந்துறை (24), களுத்துறை (25), மத்துகம (26), அளுத்கம (27).
6. விண்ணப்பிக்கும் முறை (How to Apply)
- இலங்கை பரீட்சைத் திணைக்களத்தின் அதிகாரபூர்வ இணையத்தளமான www.doenets.lk இல் “Our Services” பகுதியிலுள்ள “Online Applications – Recruitment Exams/E.B. Exams” இற்குச் சென்று விண்ணப்பிக்கலாம்.
- விண்ணப்பப் படிவத்தை ஆங்கில மொழியில் துல்லியமாக நிரப்ப வேண்டும்.
- விண்ணப்பக் கட்டணம்: ரூபா 600/- ஆகும்.
- Credit / Debit Card
- Bank of Ceylon Online Banking / Flex App
- BOC Teller Slip முறை மூலம் கட்டணத்தைச் செலுத்தலாம்.
- ஆன்லைனில் சமர்ப்பித்த பின்னர், பூர்த்தி செய்யப்பட்ட விண்ணப்பப் படிவத்தின் பிரதியை (Printout / Soft Copy) பதிவிறக்கம் செய்து தம்மகத்தே வைத்திருக்க வேண்டும்.
7. முக்கிய திகதிகள் (Important Dates)
- ஆன்லைன் விண்ணப்ப ஆரம்பத் திகதி: 2026 நவம்பர் 02 (மு.ப. 09.00)
- விண்ணப்பிக்க கடைசித் திகதி: 2026 நவம்பர் 15 (பி.ப. 09.00)
- பரீட்சை நடைபெறும் மாதம்: 2026 டிசம்பர்
முக்கிய இணைப்புகள் & விண்ணப்பப் படிவம்
தமிழ் வர்த்தமானி வெளியானதும் நமது வழிகாட்டல் குழுவில் பகிரப்படும்.