Department of Examinations announces Open Competitive Exam 2026 for Examination Data Assistant Gr. III. Download Gazette & apply.

இலங்கை பரீட்சைத் திணைக்களத்தில் பரீட்சைத் தரவு உதவியாளர் (தரம் III) ஆட்சேர்ப்பு 2026 – இறுதித் திகதி: 20.11.2026

இலங்கை பரீட்சைத் திணைக்களத்தின் முகாமைத்துவ உதவியாளர் (தொழில்நுட்பம் சாரா) சேவைப் பிரிவில் உள்ள பரீட்சைத் தரவு உதவியாளர் (Examination Data Assistant – Grade III) பதவிக்கான 23 வெற்றிடங்களை பகிரங்கப் போட்டிப் பரீட்சை மூலம் நிரப்புவதற்காக தகுதியுடைய இலங்கை பிரஜைகளிடமிருந்து இணையவழியாக (Online) விண்ணப்பங்கள் கோரப்பட்டுள்ளன.விண்ணப்பம் இறுதியில் கொடுக்கப்பட்டு உள்ளது

1. சம்பள விபரம் (Salary Scale)

இப்பதவிக்கு அரச பொது நிருவாக சுற்றறிக்கை இலக்கம் 10/2025 இன் கீழ் MN-01-2025 சம்பளத் திட்டம் உரித்தாகும்:

மாதாந்த சம்பள அளவுத்திட்டம்: ரூ. 45,230 – 10 × 540 – 11 × 630 – 10 × 890 – 10 × 1,190 – 78,360/-

(இப்பதவியானது நிரந்தரமானது மற்றும் ஓய்வூதிய உரிமை கொண்டது. தெரிவு செய்யப்படுபவர்கள் விதவைகள் / அனாதைகள் ஓய்வூதியத் திட்டத்திற்கு பங்களிப்புச் செய்ய வேண்டும்.)

2. தேவையான தகைமைகள் (Qualifications)

அ. கல்வித் தகைமைகள்:

• க.பொ.த சாதாரண தரம் (G.C.E. O/L): ஒரே அமர்வில் சிங்களம்/தமிழ்/ஆங்கில மொழி, கணிதம் மற்றும் மேலும் 2 பாடங்கள் உட்பட 4 திறமைச் சித்திகளுடன் (Credit Passes) மொத்தம் 06 பாடங்களில் சித்தியடைந்திருத்தல் வேண்டும்.
• க.பொ.த உயர் தரம் (G.C.E. A/L): பொதுச் சாதாரண பரீட்சை மற்றும் பொது ஆங்கிலம் தவிர்ந்த ஆகக்குறைந்தது ஒரு பாடத்திலாவது (01) சித்தியடைந்திருத்தல் வேண்டும்.

ஆ. தொழில்சார் / தொழில்நுட்பத் தகைமை:

• கணினி / தகவல் மற்றும் தொடர்பாடல் தொழில்நுட்பத் துறைக்குரிய (computer/ICT)தேசிய தொழில் தகைமை (NVQ) மட்டம் 3 (Level 3) சான்றிதழ் பெற்றிருத்தல் வேண்டும். அல்லது TVEC நிறுவனத்தால் அங்கீகரிக்கப்பட்ட அதற்கு நிகரான தகைமை பெற்றிருத்தல் அவசியம்.

இ. பணி முன்அனுபவம்:

• கணினித் தரவு உள்ளீடு (Computer Data Entry) தொடர்பான பணிகளில் ஆகக்குறைந்தது 06 மாத கால முன்அனுபவம் பெற்றிருத்தல் .

ஈ. வயதெல்லை (Age Limit):

• விண்ணப்பங்கள் ஏற்றுக்கொள்ளப்படும் இறுதித் திகதியான 2026.11.20 அன்றுக்கு விண்ணப்பதாரரின் வயது 18 வருடங்களுக்கு குறையாமலும் 35 வருடங்களுக்கு மேற்படாமலும் இருத்தல் வேண்டும்.
• அதற்கமைய, 2008.11.20 ஆந் திகதி அல்லது அதற்கு முன்னர் மற்றும் 1991.11.20 ஆந் திகதி அல்லது அதற்குப் பின்னர் பிறந்தவர்கள் மட்டுமே விண்ணப்பிக்கத் தகுதியுடையவர்கள்.

உ. ஏனைய நிபந்தனைகள்:

• இலங்கை பிரஜையாகவும், நன்னடத்தை உடையவராகவும் இருத்தல் வேண்டும்.
• பணியின் தேவைக்கேற்ப பகல் மற்றும் இரவு நேரப் பணிகளில் (Day & Night Shifts) ஈடுபடக்கூடிய உடல், உள ஆரோக்கியம் உள்ளவராக இருத்தல் வேண்டும்.
• எந்தவொரு மதத்திலும் துறவறம்/குருத்துவம் பெற்ற எவரும் இப்போட்டிப் பரீட்சைக்கு விண்ணப்பிக்க அனுமதிக்கப்பட மாட்டார்கள்.

3. ஆட்சேர்ப்பு மற்றும் தெரிவு முறை (Selection Process)

தெரிவானது எழுத்துப் பரீட்சை, கட்டமைக்கப்பட்ட நேர்முகப் பரீட்சை மற்றும் செய்முறைப் பரீட்சை ஆகியவற்றில் பெறும் புள்ளிகளின் முன்னுரிமை அடிப்படையில் இடம்பெறும்.

1. எழுத்துப் பரீட்சை (Written Examination):

பாடம்	காலம்	அதிகபட்ச புள்ளி	வெட்டுப்புள்ளி
கணினி எழுத்தறிவு (Computer Literacy) (NVQ Level 3 பாடப்பரப்பை உள்ளடக்கிய வினாத்தாள்)	02 மணித்தியாலங்கள்	100	40%

*எழுத்துப் பரீட்சையில் 40% அல்லது அதற்கு மேல் புள்ளி பெற்று திறமை அடிப்படையில் முன்னணியில் உள்ளவர்கள், வெற்றிடங்களின் எண்ணிக்கையின் இரண்டு மடங்கு (2x) நேர்முகப் பரீட்சைக்கு அழைக்கப்படுவர்.

2. கட்டமைக்கப்பட்ட நேர்முகப் பரீட்சை (Structured Interview – 70 புள்ளிகள்):

• மேலதிக கல்வித் தகைமைகள்: 30 புள்ளிகள்
• மேலதிக தொழில்சார் தகைமைகள்: 35 புள்ளிகள்
• நேர்முகப் பரீட்சையில் வெளிப்படுத்தும் திறமை: 05 புள்ளிகள்

3. செய்முறைப் பரீட்சை (Practical Typing Test – 30 புள்ளிகள்):

• வழங்கப்பட்ட ஆவணத்தை அப்படியே அச்சிட்டுப் பெறுதல்: 10 புள்ளிகள்
• தட்டச்சு செய்வதற்கும் அச்சிடுவதற்கும் எடுக்கும் நேரம்: 10 புள்ளிகள்
• சொற்பிழை, தட்டச்சு எழுத்துப் பிழையற்ற தன்மை: 10 புள்ளிகள்

4. பரீட்சைக் கட்டணம் மற்றும் செலுத்தும் முறை (Exam Fees)

• பரீட்சைக் கட்டணம்: ரூ. 600/- ஆகும்.
• இக்கட்டணத்தை இணையவழி விண்ணப்பப் படிவத்தினூடாக பின்வரும் முறைகளில் ஒன்றைப் பயன்படுத்தி செலுத்தலாம்:
  1. எந்தவொரு வங்கியினதும் கடன் அட்டை (Credit Card)
  2. இணையப் பணப்பரிமாற்ற வசதியுள்ள பற்று அட்டை (Debit Card with Internet Facility)
  3. இலங்கை வங்கி (BOC) Online Banking அல்லது BOC Flex App
  4. எந்தவொரு இலங்கை வங்கி (Bank of Ceylon) கிளை ஊடாகவும் நேரடியாகச் செலுத்தலாம்.
• செலுத்தப்பட்ட கட்டணம் எந்தவொரு காரணத்திற்காகவும் மீளளிக்கப்பட மாட்டாது.

5. விண்ணப்பிக்கும் முறை (How to Apply Online)

1. விண்ணப்பங்கள் அனைத்தும் இணையவழி (Online) ஊடாக மட்டுமே ஏற்றுக்கொள்ளப்படும்.
2. இலங்கை பரீட்சைத் திணைக்களத்தின் உத்தியோகபூர்வ இணையத்தளமான www.doenets.lk இற்குச் சென்று, “Our Services” என்பதன் கீழ் உள்ள “Online Applications – Recruitment / E.B. Exams” தெரிவை கிளிக் செய்யவும்.
3. விண்ணப்பப் படிவம் ஆங்கில மொழியில் மட்டுமே பூர்த்தி செய்யப்பட வேண்டும்.
4. விண்ணப்பப் படிவத்தை நிரப்புவதற்கு முன் அங்கு வழங்கப்பட்டுள்ள வழிகாட்டல்களை (Common Instructions) முழுமையாக வாசிக்கவும்.
5. விண்ணப்பம் சமர்ப்பிக்கப்பட்டதும் அது தொடர்பான உறுதிப்படுத்தல் குறுஞ்செய்தி (SMS) உங்களது கையடக்கத் தொலைபேசி இலக்கத்திற்கு அனுப்பி வைக்கப்படும்.
6. சமர்ப்பிக்கப்பட்ட விண்ணப்பத்தின் பிரதி ஒன்றை (Printout) எதிர்காலத் தேவைகளுக்காக உங்களிடம் பாதுகாப்பாக வைத்திருக்கவும்.

முக்கிய திகதிகள் (Important Dates):

• இணையவழி விண்ணப்பம் ஆரம்பித்த திகதி: 2026 ஒக்டோபர் 26 (மு.ப 09.00 மணி)
• விண்ணப்பம் ஏற்றுக்கொள்ளப்படும் இறுதித் திகதி: 2026 நவம்பர் 20 (பி.ப 09.00 மணி)
• பரீட்சை திகதி: 2027 பெப்ரவரி மாதம்